1 Յուդա Յիսուս Քրիստոսի ծառայ, եւ ա Յակոբոսի եղբայր. Աստուած Հօրից սրբուած, եւ բ Յիսուս Քրիստոսումն պահուած գ կանչուածներիդ. 2 Ողորմութիւն եւ դ խաղաղութիւն եւ սէր շատանայ ձեր վերայ։
3 Սիրելիներ, որովհետեւ ամեն ջանք արի որ գրեմ ձեզ մեր ե հասարակաց փրկութեան համար, հարկ եղաւ ինձ որ գրեմ ձեզ եւ յորդորեմ, զ որ մրցիք սրբերին մի անգամ աւանդուած հաւատքովը։ 4 է Որովհետեւ մի քանի մարդիկ ներս պրծան, ը որոնք առաջուց հաստատուած էին սոյն այս դատաստանի համար, ամբարիշտներ, թ որ մեր Աստուծոյ շնորհքն ժ անառակութեան դարձրին. Եւ ի ուրանում են այն միայն Իշխանին, [Աստուծուն] եւ մեր Տէր Յիսուս Քրիստոսին։ 5 Իսկ ես կամենում եմ յիշեցնել ձեզ, որ արդէն այս բանը գիտէք, լ թէ Տէրը ժողովրդին փրկեց Եգիպտոսի երկրիցը. Եւ խ յետոյ չ’հաւատացողներին կորցրեց։ 6 ծ Եւ այն հրեշտակներին որ իրանց իշխանութիւնը չ’պահեցին, այլ իրանց բնակութիւնը թողեցին, կ յաւիտենական կապանքներով խաւարի մէջ պահեց հ մեծ օրուայ դատաստանի համար։ 7 ձ Ինչպէս Սոդոմը եւ Գոմորը եւ նորանց շուրջի քաղաքները, հէնց սորանց կերպով պոռնկելով եւ ուրիշ մարմնի ետեւից գնալով՝ օրինակի համար մեր առաջին դրուած են, յաւիտենական կրակի դատաստանն ընդունելով։ 8 ղ Եւ նմանապէս էլ սորանք, որ ցնորուած լինելով մարմինը պղծում են, տէրութիւնը անարգում են, ճ եւ փառքը հայհոյում են։ 9 մ Եւ Միքայէլ հրեշտակապետը, երբոր սատանայի հետ վիճելով պատասխան էր տալիս Մովսէսի մարմնին համար, յ չ’համարձակեց հայհոյանքի դատաստան անել, բայց ասեց ն Տէրը քեզ յանդիմանէ։ 10 շ Իսկ սորանք այն բաները, որ չեն իմանում, հայհոյում են. Եւ ինչ որ էլ անխօս անասունի պէս բնականաբար գիտեն, նորանցում ապականվում են։ 11 Վա՜յ նորանց, որ ո Կայէնի ճանապարհովը գնացին, եւ չ Բաղաամի մոլորութիւնովը վարձքին նուիրուեցան, եւ պ Կորխի հակառակութեան պէս կորան։ 12 ջ Սորանք գայթակղութեան ժայռեր են ռ ձեր սէրի խնջոյքներումը, որ աներկիւղ միասին ուտել խմելիս, իրանց անձերն են արածեցնում։ ս Անջուր ամպեր են վ քամիներից տատանուած, պտղակորոյս անպտուղ ծառեր, տ երկու անգամ մեռած արմատախիլ եղած. 13 ր Ծովու կատաղած ալիքներ, ց որ իրանց անձերի ամօթն են փրփրեցնում. Մոլար աստղեր, ւ որոնց պահվում է յաւիտեան խաւարի մութը։
14 փ Ենովքն էլ, որ եօթներորդն է Ադամից, սորանց համար մարգարէացաւ եւ ասեց. ք Ահա Տէրը եկաւ իր բիւրաւոր սուրբերովը, 15 Որ դատաստան անէ ամենին, եւ նորանց ամբարիշտներին յանդիմանէ իրանց արած բոլոր ամբարիշտ գործերի համար, եւ օ բոլոր այն խիստ խօսքերի համար, որ ամբարիշտ մեղաւորները նորա դէմ խօսեցին։ 16 Սորանք տրտնջողներ եւ փսփսողներ են, որ իրանց անձերի ցանկութիւնների պէս են գնում. Եւ ֆ նորանց բերանը ամբարտաւան բաներ է խօսում, և երեսպաշտութիւն են անում շահի համար։ 17 ա Բայց դուք, սիրելիներ, յիշեցէք մեր Տէր Յիսուս Քրիստոսի առաքեալներից առաջուց ասած խօսքերը։ 18 Որովհետեւ ասում էին ձեզ, թէ բ վերջի ժամանակներումը ծաղր անող մարդիկ կ’լինին, որ իրանց ամբարիշտ ցանկութիւնների ետեւից կ’գնան։
19 գ Սորանք են որ ջոկում հեռացնում են իրանց, դ շնչաւորներ որ Հոգին չ’ունին։ 20 Բայց դուք, սիրելիներ, ե ձեր անձերը ձեր սուրբ հաւատքի վերայ շինեցէք Սուրբ Հոգովը, զ աղօթք անելով։ 21 Որ ձեր անձերը Աստուծոյ սէրի մէջ պահէք, սպասելով է մեր Տէր Յիսուս Քրիստոսի ողորմութեանը յաւիտենական կեանքի համար։ 22 Եւ մի քանիսին ողորմեցէք խտրութիւն անելով։ 23 Եւ ը մի քանիսին վախով ապրեցրէք թ կրակից յափշտակելով. Ատելով ժ այն պատմուճանն էլ որ մարմնիցն աղտոտուած է։
24 ի Եւ նորան որ կարող է լ անարատ պահել ձեզ եւ անկեղծ կանգնեցնել իր փառքի առաջին անբիծ ցնծութիւնով. 25 Այն խ մէկ իմաստուն Աստուծուն եւ մեր Փրկչին [մեր Տէր Յիսուս Քրիստոսով] փառք եւ մեծութիւն, զօրութիւն եւ իշխանութիւն, [բոլոր դարերից առաջ] եւ հիմա եւ ամեն յաւիտեաններում։ Ամէն։
Հուդա 1